TaMiem van Swellendam | ʼn eenvrouvertoning deur Bettie Kemp

TaMiem van Swellendam is ʼn dokumentêre soloproduksie oor die bekende skrywer Maria Elizabeth Rothmann, beter bekend as M.E.R. Bettie Kemp is die skrywer en skepper en is ook self in die stuk te sien.

Dit handel oor die lewe van hierdie besonderse Afrikanervrou. Sy het net onder haar voorletters M.E.R. geskryf en was onder andere ʼn Hertzogpryswenner, ʼn baanbrekerjoernalis en die eerste redaktrise van Die Burger se vroueblad.

Sy was ook ʼn maatskaplike werker, maar bowenal was sy net TaMiem van die rietdakhuis, Komnader, van Swellendam.

Wanneer:
Donderdag, 28 Augustus 2025 om 19:00
Saterdag, 30 Augustus 2025 om 15:00